ابوذیّات خریر الطامعات
الحنین او شال و افراگه میانه
ابعشرته عدّه ویّانه میانه
الامس و الچان بحضانه میانه
اندفن حدر التراب او ذکره اذیّه
...
احترم کل ناطق الجنبای ورّای
طعت للصادق ابممشای ورّای
نویتی النون قبل الصاد ورّای
یحل مشکلتی من ضیم العلیّه
...
الوکت حرکه سبابه التجر وبهم
الچنت برکه او حبّه ارگدت وبهم
یواعدنی زمانی ابعسر وبهم
بلعت الهم عسل وارقی الثنیّه
...
هلی دیوان لهل البیت برکان
هلی بر و بحر بالغضب برکان
اطواب الدخلن الصد هلی برکان
ابمیاه الهور ملهن قابلیّه
...
الزمان ابضرب سیفه اعضای کلهه
بالعنی او تصرّف باهل کلهه
تثور الزلم وکت الضیج کلهه
النصر و العید یلتمّن سویّه
...
ابگلبی حسره کتلتنی شطرها
امعذّب و الدهر یمی شطرها
الدّنیا عایش ابراحه شطرها
و أنا بحزانی افز صبح و مسیّه
...
الدّنیا احزان فوگ احزان یارت
اعلی گلبی او سالم امن القهر یارت
ابنوحی حتّی الّی صدقان یارت
مریض او فاگد احسن خل الیّه
...
کتلنی الیمسح ادموعه بلومای
او ما یعرف نداء گلبی بلومای
غرگت او کثّر احزانی بلومای
المای اتحمّله او بلواه اذیّه
...
وفاء عدنه ابعربنه صحّه بینه
او کلامی اویه النخلته صحّه بینه
ابفرحنه ناس کثره صحّه بینه
ابوکت الضیج ما منهم تچیّه
...
خل تعرف نسبنا غاصبینا
الدار اکنوز بیهه غاصبینا
الما گدّر لگمته غاصبینا
الجمل ما ینبلع بفواه العناد
...
یگلبی البیهم اکفایه بلمهم
اشترک و اتنومس ابحبهم بلمهم
النّاس اتصید و اینیّح بلمهم
وأنا ابمای الغمگ و انعاب بیّه
...
الدّنیا أحربت بانت من رداها
انجرحت او جرحی غمّگ من رداها
ابدمّی او صبغ ثوبی من رداها
اموت او ما ا طخ راسی الردیّه
...
یگلبی کافی لا تنشد علی الراح
طحنت اسنین بهمومک علی الراح
بعد ما بیّه اجر ونتی علی الراح
بگه عظم ابجلد ممدود الیّه
...
گلبی امن العتب خزّن هلک ون
الاضدّه ما بعد و اعلن هلک ون
انشدک لو منایه اشلن هلک ون
یجونک لو وحید اتدفنک اجناب
...
گلبی مشتوی ابناره یمربی
او حنانی ابزودی والحانی یمربی
متی یومه الیعازینی یمر بی
او یداوی اجروحی التدّی علیّه
...
جاسم ثعلبی الحسّانی 14/06/1400
:: برچسب‌ها:
ابوذیّات خریر الطامعات ,
:: بازدید از این مطلب : 1152
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
